سوال

اگر بکرے کے صدقے کی نیت کی ہو تو بکرے کی جگہ اتنا گوشت (مثلاً دس کلو) دے دے تو  وہ منت پوری ہوجائے گی یا نہیں؟ 

جواب

بکرے  کی منت ماننے کی صورت میں بھی اصل مقصود بکرے کو ذبح کرکے اس کا گوشت فقرا میں تقسیم کرنا ہوتا ہے، لہذا اگر بکرے کی جگہ اتنا گوشت مستحقین میں تقسیم کردیا جائے تو منت پوری ہوجائے گی، واضح رہے کہ منت / نذر کا گوشت خود کھانا یا مالداروں کو کھلانا جائز نہیں، صرف فقراء ومستحقین ہی کو دیا جاسکتا ہے۔

"(نَذَرَ أَنْ يَتَصَدَّقَ بِعَشَرَةِ دَرَاهِمَ مِنْ الْخُبْزِ فَتَصَدَّقَ بِغَيْرِهِ جَازَ إنْ سَاوَى الْعَشَرَةَ) كَتَصَدُّقِهِ بِثَمَنِهِ". [الدر مع الرد : ٣/ ٧٤١]فقط واللہ اعلم