کرایہ کے مکان میں لگا بجلی کا میٹر بالکل ڈیڈ ہو جائے تو اس کو دوبارہ لگوانے کے اخراجات کس کے ذمہ ہوں گے؟ مالکِ مکان کے ذمہ یا کرایہ دار کے؟ جب کہ میٹر جلا نہیں ہے، بلکہ انتہائی پرانا ہونے کے باعث ناکارہ ہو چکا تھا۔
بجلی کا میٹر ناکارہ ہوجانے کی صورت میں نیا میٹر لگوانا مالکِ مکان کی ذمہ داری ہے؛ اس لیے اس کے اخراجات کی ادائیگی بھی مالکِ مکان کے ذمہ ہوگی۔ فقط واللہ اعلم
فتوی نمبر : 144010200069
دارالافتاء : جامعہ علوم اسلامیہ علامہ محمد یوسف بنوری ٹاؤن