سوال

ایک شخص قرآنِ پاک کی تلاوت کر رہا ہے، آیتِ سجدہ تلاوت کرنے کے بعد وہیں بیٹھا کسی سامنے بیٹھے شخص سے باتیں کرتا ہے، اس کے بعد پھر وہی آیتِ سجدہ تلاوت کرے تو ایسی صورت میں اُس کی مجلس تبدیل ہو گی یا نہیں؟ اور سجدہ دوبارہ ہو گا یا نہیں؟

جواب

صورتِ مسئولہ میں جب قاری نے سامنے بیٹھے شخص سے کچھ باتیں کیں، تو اس سے مجلس تبدیل ہو گئی اور مجلس کی تبدیلی کی بنا پر  دوبارہ آیتِ سجدہ پڑھنے کی وجہ سے دوسرا سجدہ لازم ہو گا۔

الدر المختار وحاشية ابن عابدين (رد المحتار) (2/ 117):
’’بخلاف ما لو تكلم كلمات، أو شرب جرعات، أو عقد نكاحاً أو بيعاً؛ فإنه لا يكفيه سجدة واحدة، شرح المنية‘‘. فقط واللہ اعلم