ایران سے لائے ہوئے پیٹرول کا کار و بار کیساہے؟
ایران سے لایا گیا پیٹرول چوں کہ غیر قانونی ذریعہ سے درآمد کیا جاتا ہے، جوکہ قانوناً جرم ہے اور پکڑے جانے کی صورت میں مالی نقصان کے ساتھ ساتھ سزا ملنے کا بھی اندیشہ ہوتا ہے، لہذا حکومتِ وقت کی جانب سے انتظامی معاملات کے پیشِ نظر جو قوانین بنائے جاتے ہیں ان کی پاس داری ہر شہری پر لازم ہوتی ہے، لہذا غیر قانونی کاروبار سے اجتناب کریں، تاہم اگر کوئی ایسا پیٹرول فروخت کرتا ہے تو اس کی آمدنی حرام نہیں ہوتی۔ فقط واللہ اعلم
فتوی نمبر : 144004200869
دارالافتاء : جامعہ علوم اسلامیہ علامہ محمد یوسف بنوری ٹاؤن