سوال

کسی عورت سے جس سے ابھی نکاح نہیں ہو اتھا کسی کام پر اس طرح کہاکہ: اگر یہ کام تم نے شادی کے بعد کیا ہوتاتو میں تمہیں چھوڑدیتا ،پھر اس عورت سے نکاح کیا اور رخصتی ہوئی ،اب اگر وہ عورت وہ کام کرتی ہے تو کیا طلاق ہوجائے گی؟

جواب

کسی عورت سے یہ کہناکہ :’’ اگر یہ کام تم نے شادی کے بعد کیا ہوتاتو میں تمہیں چھوڑدیتا ‘‘اس سے نکاح کے بعد بھی  کوئی طلاق واقع نہیں ہوگی ۔البتہ یہ یاد رہے کہ جس لڑکی سے صرف منگنی ہوئی ہو ،نکاح نہ ہواہوتو شرعاً  وہ لڑکی اجنبی ہی رہتی ہے، اس سے فون پر بات چیت کرنا یا ملاقات کرنا ناجائز ہے،نیز  طلاق کے معاملہ پر گفتگو سے احتراز کرناچاہیے۔ فقط واللہ اعلم