سوال

میں جس کمپنی میں کام کرتا ہوں اس کی ایک انشورنس کمپنی بھی ہے، میرے منیجر نے کہا ہے کہ ہم تمہارا ٹرانسفر انشورنس کمپنی میں کر رہے ہیں، میں نے کہا کہ میں اس میں کام نہیں کر سکتا، اس لیے کہ اس کا کام سود پر چلتا ہے، اس لیے میں وہ تنخواہ نہیں لے سکتا، مینیجر نے کہا کہ تم وہاں کام کرو، ہم تمہیں اسی پرانی کمپنی سے تنخواہ دیں گے، کیا یوں انشورنس کمپنی میں کام کرنا اور دوسری کمپنی سے تنخواہ لینا جائز ہے؟

جواب

انشورنس کمپنی میں سودی لین دین کی بنا پر کام کرنا ہی جائز نہیں، خواہ تنخواہ دوسری کمپنی سے بھی مل رہی ہو کیونکہ تنخواہ اگر پاک ہو مگر کام حلال نہ ہو تو تنخواہ بھی حلال نہیں رہتی ۔واللہ اعلم