نماز میں امام نے ”سمع الله لمن حمده“ نہیں کہا، کیا نماز ہوجائے گی؟
اگر امام غلطی سے رکوع سے سراٹھا تے وقت ”سمع الله لمن حمده“کہنے کے بجائے’’الله أکبر‘‘ کہہ دے، یا ”سمع الله لمن حمده“ کہنا بالکل بھول جائے تو نماز ادا ہوجائے گی، اور سجدۂ سہو بھی لازم نہیں ہوگا ،کیوں کہ تکبیراتِ انتقال نماز کی سنتوں میں سے ہیں، اور سجدۂ سہو کسی واجب کو چھوڑنے، یا رکن یا واجب کی ادائیگی میں تاخیر کی صورت میں واجب ہوتاہے۔فقط واللہ اعلم
فتوی نمبر : 143909200441
دارالافتاء : جامعہ علوم اسلامیہ علامہ محمد یوسف بنوری ٹاؤن