سوال

’’الیزہ‘‘، ’’عائزہ‘‘  کیا صحابیات کے ناموں میں سے ہیں؟ اور ان میں سے کون سا نام لڑکی کے لیے رکھنا بہتر ہے؟  ان کے معنی بتا دیں۔

جواب

یہ دونوں نام صحابیات کے نہیں۔

’’الیزہ‘‘  عربی زبان کے مادہ ’’الز‘‘  سے ماخوذ ہے،  جس  کے معنیٰ:  بے چین و مضطرب کے ہیں ۔ معنی کے لحاظ  سے یہ نام اچھا نہیں۔

اسی طرح ”عائزہ“ (زا کے ساتھ) کا معنی ہے: مفلس؛ اس لیے زاء کے ساتھ  یہ نام رکھنا اچھا نہیں۔

آپ ’’عائذہ‘‘  (ذال کے ساتھ) نام رکھ دیں، اس کا معنی ہے: پناہ میں آنے والی، پناہ لینے والی، یہ مفہوم اچھا ہے۔ 

بہر حال ’’الیزہ‘‘ اور ”عائزہ“ میں سے کوئی نام بھی درست نہیں ہے، اس کے بجائے کوئی اچھے معنی والا نام  یا صحابیات رضی اللہ عنہن کے ناموں میں سےکسی  نام کا انتخاب کریں ۔فقط واللہ اعلم