بِسْمِ اللَّهِ الرَّحْمَنِ الرَّحِيم

17 رمضان 1445ھ 28 مارچ 2024 ء

دارالافتاء

 

الٹی چپل سیدھی کرنا


سوال

الٹی چپل کو سیدھی کرنے کا کیا حکم ہے؟ آیا حدیث سے ثابت ہے یا نہیں؟

جواب

 کسی بھی چیز کو وضعِ اصلی کے مطابق رکھنا دائرۂ ادب وتہذیب میں داخل ہے، نیز  چپل کی نچلی جانب زمین اور مٹی میں لگنے کی وجہ سے عموماً  گندی ہوتی ہے، جب کہ اوپر کی جانب صاف ہوتی ہے،  جس سے طبیعت میں کراہت ہوتی ہے، لہذاچپل سیدھا کرنا راحت رسانی کا ذریعہ ہے، اس لیے اچھی بات ہے،  اور یہ آداب میں سے ہے،باقی اس کا تعلق فرض واجب یا سنت سے نہیں، جو سیدھا نہ کرے اس کو ملامت بھی نہ کی جائے ، احادیثِ مبارکہ میں اس کا ذکر نہیں ملتا، اس لیے اس کی نسبت حدیث کی طرف نہ کی جائے۔فقط واللہ اعلم 


فتوی نمبر : 144004200117

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں