سوال

اسٹیٹ ایجنسی کے کام میں پراپرٹی کی خریدوفروخت کے ذریعے کمیشن کی آمدن حلال ہے یا نہیں؟

جواب

اسٹیٹ ایجنسی (مکانات وغیرہ  کی خریدوفروخت )کا کام کرنا جائز ہے اور بروکر کے لیے بروکری کی اجرت لینا جائز ہے ، بشرطیکہ جس کام پر کمیشن لیا جا رہا ہے وہ کام فی نفسہ جائز ہو، کام بھی متعین ہو ،کمیشن ایجنٹ واقعی کوئی معتد بہ عمل انجام دے، اور کمیشن جانبین کی رضامندی سے بلاکسی ابہام کے متعین ہو اور ایجنٹ کسی معاملے میں خودخریدار یا فروخت کنندہ ہو تو  بروکری نہ لے۔ نیز طرفین کی جانب سے جو معاوضہ مقرر کر لیا جائے وہ درست ہے، خواہ وہ مارکیٹ ریٹ ہو یا کچھ اور ہو۔ فقط واللہ اعلم