سوال

اسماء کے وزن پر لڑکی کے نام بتادیں ،مہربانی ہوگی۔

جواب

اسماء کے وزن پر چند نام درج ذیل ہیں:

(1) سمراء :صحابیہ کا نام ہے، معنی : سفید بہ سیاہی مائل ، یعنی خوب صورت ۔ 

 (2) عفراء: صحابیہ کا نام ہے، معنی : سفید زمین۔

 (3) عجماء:صحابیہ کا نام ہے، معنی :ریت کا ٹیلہ۔

  (4) کحلاء : سرمگیں آنکھوں والی ۔

(5) ملساء:  ہموار۔

(6) حسناء: خوب صورت۔

(7) حصناء : پاک دامن عورت۔

  (8) حمراء:  سرخ رنگ والی۔

(9) حوراء:گورے رنگ کی عورت ۔

  (10) عذراء: کنواری، بغیر سوراخ کا موتی۔

اسی طرح اس کے قریبی وزن کے چند نام یہ ہیں:

(1) ازکیٰ (2) سلمیٰ (3) سیماء (4) شیماء،(5) ارویٰ

اس کے علاوہ آپ جامعہ کی ایپلی کشن پر ناموں کے سیکشن میں سے بھی ناموں کا انتخاب کرسکتے ہیں۔ فقط واللہ اعلم