سوال

اسلامک بینکوں میں جاب کر سکتے ہیں یا نہیں? جیسے (١) میزان بینک۔ (٢) بینک اسلامی۔ (٣) دبئی اسلامک بینک۔ براہِ مہربانی راہ نمائی فرمادیں!

جواب

مروجہ اسلامی بینکوں کے معاملات ملک کے مقتدر اہلِ فتویٰ کی تحقیق کے مطابق اسلامی اور غیرسودی نہیں ہیں ، اس لیے روایتی بینکوں کی طرح مروجہ اسلامی بینکوں میں بھی ملازمت کرنا جائز نہیں۔

"عن جابرؓ قال: لعن رسول اﷲ صلی اﷲ علیه وسلم آکل الربا، وموکله، وکاتبه، وشاهدیه، وقال: هم سواء." (الصحيح لمسلم، با ب لعن آکل الربا، ومؤکله، النسخة الهندیة، ۲/۲۷)

ترجمہ: حضرت جابر رضی اللہ عنہ  روایت کرتے ہیں کہ رسول اللہ صلی اللہ علیہ وسلم نے سود کھانے والے، کھلانے والے، سودی معاملہ لکھنے والے اور اس کے گواہوں پر لعنت فرمائی ہے، اور ارشاد فرمایا: یہ سب (سود کے گناہ میں) برابر ہیں۔ فقط واللہ اعلم