کیا احرام کی حالت میں بطورِ ضرورت ہاتھ یا بدن پر میل کی صفائی کے لیے خوش بو والا صابن استعمال کر سکتے ہیں؟
احرام کی حالت میں خوش بو والا صابن استعمال کرنا منع ہے، ضرورت کے موقع پر بغیر خوشبو والا صابن استعمال کیاجاسکتا ہے، البتہ میل کچیل دور کرنے کے لیے بغیر خوش بو والا صابن بھی استعمال کرنا مکروہ ہے، اس سے اجتناب کرنا چاہیے۔اس لیے کہ احرام میں پراگندہ حالت اور میل کچیل اللہ تعالیٰ کو پسند ہے۔ (غنیۃ الناسک ص:90،91، ط:ادارۃ القرآن)۔ فقط واللہ اعلم
فتوی نمبر : 144008201944
دارالافتاء : جامعہ علوم اسلامیہ علامہ محمد یوسف بنوری ٹاؤن