سوال

درزی سے میرا کپڑا گم ہوگیا ہے، اس پر ضمان ہے کہ نہیں؟ مفتی بہ قول کے مطابق اجیر مشترک پر ضمان آتا ہے کہ نہیں؟

جواب

اگر درزی کی غفلت ولاپراہی سے کپڑا گم ہوگیا ہے تو ضمان آئے گا۔ اور اگر درزی یہ کہتاہے کہ: دکان میں چوری ہوئی ہے، اس میں گم ہوگیاہے تو ضمان نہیں آئے گا۔

اجیر مشترک پر ضمان کے بارے میں مفتی بہ قول یہی ہے کہ: اگر اجیر مشترک کی تعدی  ہو تو ضمان آئے گا، اور اگر تعدی (قصور) نہ ہو تو ضمان نہیں آئے گا۔فقط واللہ اعلم