سوال

میرا کام گھڑیوں کا ہے، میرے پاس wrist band (ہاتھ میں پہننے والے پٹّّے) بھی ہیں، جو آج کل کے لڑکے پسند کرتے ہیں تو کیا یہ تجارت کے لیے ٹھیک ہے؟  یا یہ مجھے نکال دینا چاہیے؟

جواب

واضح رہے کہ وضع قطع اختیار کرنے میں علماء وصلحاء کی مشابہت کی کوشش کرنی چاہیے، اغیار کی مشابہت اختیار کرنا شرعاً نا پسندیدہ اور مذموم ہے۔ اور جو چیز صلحاء کی وضع قطع کے خلاف ہو اس کا کاروبار کرنا مکروہ ہوگا۔ لہٰذا اگر مذکورہ  wrist band (ہاتھ میں پہننے والے پٹّّے) صرف لڑکوں کے لیے خاص ہیں (لڑکیاں یہ نہیں پہن سکتیں) تو اس کی فروخت سے اجتناب کرنا چاہیے، البتہ اس کی کمائی حلال ہو گی۔ فقط واللہ اعلم