مرغی ذبح کرکےانتڑیاں نکالے بغیراگرابلے ہوئے پانی میں ڈالی جائےپرصاف کرنے کی غرض سےتوکیا مرغی کاگوشت مکروہ ہوجاتاہے، کیونکہ پانی ابلاہوا ہوتاہےاورنجاست مرغی کےاندرموجودہوتی ہے؟
اگرپانی اس قدرگرم ہےکہ اس میں کوئی شخص ہاتھ نہ ڈال سکتاہوتواس صورت میں مرغی کے اندرکی نجاست مرغی کے گوشت میں سرایت کرجانےکا غالب امکان ہوتوایسی مرغی کا استعمال ناجائز ہے لیکن اگرپانی معمولی گرم ہے، ماہرین کےمطابق تقریباً 52 ڈگری سینٹی گریڈ سے کم ہواوردوڈھائی منٹ سے زیادہ مرغی کو اس میں نہ رکھاجاتاہوتواس کی اجازت ہےایسی صورت میں اس مرغی کااستعمال بلاکراہت جائز ہوگا۔ فقط واللہ اعلم
فتوی نمبر : 143101200180
دارالافتاء : جامعہ علوم اسلامیہ علامہ محمد یوسف بنوری ٹاؤن