سوال

ایک عورت ہے اس کےشوہر کا انتقال ہوچکاہے اور وہ حج کے لیے جانا چاہتی ہے اس کے ساتھ اس کی ساس اس کا دیور اور دیورانی یہ تین لوگوں کا گروپ جارہاہے۔ کیا یہ عورت ان کے ساتھ حج کے لیے جاسکتی ہے؟ برائے مہربانی راہ نمائی فرماکراجرعظیم حاصل کریں۔

جواب

عورت کے لیے محرم(وہ رشتے جن کے ساتھ نکاح جائزنہیں ہے) کے بغیر شرعی سفر(تقریباً اٹھترکلومیٹریا اس سے زائد) کرنا جائزنہیں ہے خواہ یہ سفر حج کا ہی کیوں نہ ہو، احادیث مبارکہ میں اس کی صراحتاً ممانعت آئی ہے۔ اس لیے مذکورہ عورت کے لیے بیان کردہ رشتے داروں کے ساتھ حج کے سفر پرجانا جائزنہیں ہے۔ فقط واللہ اعلم