کیا صفر کے مہینے میں شادی کرنا ٹھیک ہے ؟کیا اس مہینے میں شادی ہوسکتی ہے ؟
صورت مسئولہ میں ،صفر کا مہینہ عام مہینوں کی طرح ایک مہینہ ہے ،جس طرح عام مہینوں میں کوئی نحوست نہیں اس طرح صفر کے مہینے میں نہیں۔معاشرہ میں صفر کے مہینے میں جو توہمات کی شہرت ہے ،بے سند ،بے دلیل بات ہے ۔ آنحضرت ﷺ کا ارشاد ہے کسی چیز میں نحوست نہیں ،لہٰذا صفر کے مہینے میں شادی یا کوئی اور کام شروع کرنا جائز ہے ،اس میں کوئی حرج نہیں ۔ فقط واللہ اعلم
فتوی نمبر : 143101200363
دارالافتاء : جامعہ علوم اسلامیہ علامہ محمد یوسف بنوری ٹاؤن