ایک شخص نے رمضان میں روزے کی حالت میں بیوی سے مباشرت کر لی تو مفتی صاحب اس صورت میں کیا مسئلہ ہے؟۔روزے میں سفر کے دوران اس ڈر سے کہ افطاری ملے گی یا نہیں روزہ پہلے سے کھا کر ختم کردیا تو اس صورت میں کیا حکم ہے ؟
صورت مسئولہ میں اگر رمضان میں روزے کی حالت میں اپنی بیوی سے مباشرت یعنی ہمبستری کی تو ایسی صورت میں قضاء اور کفارہ دونوں لازم ہونگے ، ساٹھ روزے بطور کفارہ مسلسل رکھنے ہیں اور جو روزہ توڑا ہے اس کی قضاء ہے ، سفر کے دوران اس ڈرسے کہ افطاری نہیں ملے گی روزہ توڑدیا تو ایسی صورت میں صرف قضاء لازم ہوگی کفارہ نہیں۔ فقط واللہ اعلم
فتوی نمبر : 143101200345
دارالافتاء : جامعہ علوم اسلامیہ علامہ محمد یوسف بنوری ٹاؤن