میراسوال یہ ہے کہ جب سے میں بالغ ہواہوں میں نے روزے رکھے بھی ہیں اوربہت سےجان بوجھ کر توڑے بھی ہیں اس وقت مجھے روزے کے فضائل اور گناہوں کے بارے میں پتہ نہیں تھاکہ اگرروزہ جان بوجھ کرتوڑنے کے کیا نقصان ہیں؟ کفارہ لازم ہوگا لیکن جب میں قریبی مفتی صاحب کے پاس درس میں بیٹھتاہوں اوران سے معلوم ہواتو اپنے پچھلے روزوں کی فکر ہورہی ہے تومیں کیا کروں میری عمر20 سال ہے آپ کا مشورہ درکار ہے ۔
صورت مسئولہ میں رمضان المبارک کے مہینے میں قصداً روزہ توڑنے پر قضاء اورکفارہ دونوں ہیں،کفارہ یہ ہے کہ دو مہینے مسلسل روزے رکھے جائیں اورتوڑے گئے روزوں کی قضاء کی جائے۔ فقط واللہ اعلم
فتوی نمبر : 143101200155
دارالافتاء : جامعہ علوم اسلامیہ علامہ محمد یوسف بنوری ٹاؤن