مير ے رشتہ داروں کے ہاں سات سال بعد اولاد کی خوشخبری آئی ہے ، جس کی وجہ سے ہم پریشان ہیں کہ نظر نہ لگ جائے اس لئے ہم جاننا چاہتے ہیں کہ نظر لگ جانے کی ہماری دین اسلام میں کیاحقیقت ہے ؟ کیانظر لگتی ہے ؟ کیااس نیت سے ہم خوشخبری کو چھپاسکتے ہیں ، تفصیل سے بتادیں ۔جزاک اللہ
احادیث کی روشنی میں یہ بات واضح ہوتی ہےکہ نظر کا لگ جاناحق ہے اور نظرلگ جانے کے اثرات بسااوقات بہت گہرے بھی ہوسکتے ہیں ، اس لئے اگر نظر لگنے کا اندیشہ اور ڈرہے ، تو اس کیلئے تدبیر کے طورپر خوشخبری کو راز میں بھی رکھنے کی گنجائش ہے ، نیز اسکے ساتھ ساتھ معوذتین اور نظرسے حفاظت کی دعاؤں کا اہتمام بھی کرتے رہناچاہئے ۔فقط واللہ اعلم
فتوی نمبر : 143406200015
دارالافتاء : جامعہ علوم اسلامیہ علامہ محمد یوسف بنوری ٹاؤن