ایک خاتون کا شوہر شہید ہوگیا، شہادت کے وقت وہ عورت ایک ماہ کے حمل سے تھی، شہادت کے پندرہ بیس دن کے بعد قدرتی طور پر عورت کا اسقاط حمل ہوگیا، اب رہنمائی فرمائیں کہ وہ عدت سے نکل آئی کہ نہیں؟
مذکورہ عورت کا حمل چونکہ ایک ماہ کی مدت میں ساقط ہوا ہے اس لیئے اب اس صورت میں اس کی عدت شوہر کی شہادت کے وقت سے چار ماہ دس دن تک کی ہے، چار ماہ دس دن کی مدت پوری ہونے پر عدت ختم ہوگی۔ واللہ اعلم
فتوی نمبر : 143510200015
دارالافتاء : جامعہ علوم اسلامیہ علامہ محمد یوسف بنوری ٹاؤن