وہ کون سا ایسا مسئلہ ہے؟کہ مقتدی لقمہ دے دے اور امام اس کا لقمہ نہ لے تو مقتدی کی نماز فاسد ہو جاتی ہے؟
آپ نے پہیلیاں بوجھنا شروع کردی ہیں،مگر فقہاء کرام کو اللہ تعالی جزائے خیر عطا فرمائے کہ انہوں نے اس موضوع پر بھی کتابیں لکھی ہیں ،خود ہمارے جامعہ کے استاذ حضرت مولانا مفتی ولی درویش صاحب مرحوم کی تصنیف اس بارے میں متداول ہے۔اس قسم کے مسائل سے دلچسپی رکھنے والے اسے ملاحظہ کرکے اپنے شوق کی تسکین کرسکتے ہیں۔آپ کے سوال کا براہ راست جواب یہ کہ جب مقتدی بغیر ضرورت کے اپنے امام کو لقمہ دے اور امام قبول نہ کرے تو اس کی نماز فاسد ہوجاتی ہے مگر خیال رہے کہ یہ مرجوح قول ہے اور فتوی اس پر نہیں ہے۔
فتوی نمبر : 143504200017
دارالافتاء : جامعہ علوم اسلامیہ علامہ محمد یوسف بنوری ٹاؤن