سوال

ظہر یاجمعہ کی نمازکے بعد جبکہ کچھ لوگ فرائض اور کچھ نوافل وسنن ادا کررہے ہوں اس دوران مسجد میں سونا جائز ہے؟اگر کوئی شخص مسجد میں سورہاہواورخراٹے لےرہاہوتوکیا وہ گناہگار ہے ؟

جواب

مسجد میں بلا ضرورت سونا مکروہ ہے، خواہ کوئی نماز پڑھ رہا ہو یا نہ پڑھ رہا ہو، اگرنمازی کی نمازمیں خلل کا باعث ہوتو بلا شبہ مسجد میں سونا منع ہے۔ ہاں اگر کوئی شخص مسافرہواوراس کےلیےکوئی اورجگہ نہ ہویاکسی دینی مصروفیت کےلیےمسجد میں قیام پذیرہو اور وہ ضرورۃً مسجد میں سولے تو مضائقہ نہیں۔ فقط واللہ اعلم