سوال

حج میں کچھ عورتوں نے تینوں دن رمی نہیں کی، ان کے مردوں نے ان کی طرف سے اداء کی، کیا ان عورتوں کی طرف سے ادا ہوگئی؟ اگرنہیں تو دم واجب ہوگا ؟ اورکتنا واجب ہوگا ؟

جواب

صورت مسئولہ میں اگرمذکورہ عورتیں بوقت رمی معذور نہیں تھیں کہ خودہی رمی کرسکتی تھیں۔اس کے باوجوددوسروں نے ان کی طرف سے رمی کی تو ایسی صورت میں ان کی رمی اداء نہیں ہوئی ،ان پر دم واجب ہے ۔ حدودحرم میں ہر ایک اپنی طرف سے ایک بکری بطور دم اداء کریں ،فتاویٰ عالمگیری میں ہے : ولوترک الجمار کلھا اٴو رمی واحدة اٴو جمرة العقبة یوم الفخر فعلیہ شاة ۔ص:247۔ج1،ط،رشیدیہ فقط واللہ اعلم