Laproscopy کروانا کیسا ہے؟
Laproscopy ایک طریقہ علاج اور سرجری ہے جس میں جسم پر پورا چیرا لگانے کے بجائے صرف چند جگہ کٹ لگا کر جسم کے اندر کیمرہ داخل کیا جاتا ہے اور اوزار اندار داخل کرکے آپریشن کیا جاتا ہے۔ اس کا زیادہ استعمال پیٹ وغیرہ کی سرجری کے لیے کیا جاتا ہے ۔ اس سے جسم بھی کم کٹتا ہے اور زخم ٹھیک بھی جلدی ہوجاتا ہے۔
شرعی نقطہ نظر سے یہ ایک طریقہ علاج ہے، جو بظاہر عام جراحی کے مقابلے میں زیادہ آسان بھی ہے۔ لہذا اگر مریض کو تکلیف ہو اور جراحی کے علاوہ کوئی متبادل علاج نہ ہو تو ڈاکٹر کے کہنے پر اس کے کرانے میں حرج نہیں ہے۔فقط واللہ اعلم
فتوی نمبر : 144004200292
دارالافتاء : جامعہ علوم اسلامیہ علامہ محمد یوسف بنوری ٹاؤن