سوال

پاکستان میں  جو kitkatچوکلیٹ ملتی ہے کیاوہ حلال ہے؟ اگرکوئی اورچوکلیٹ جوجائزنہ ہو اوراس کے متعلق جامعہ کاکوئی فتویٰ ہوتوبتادیجئے۔

جواب

کسی چیزکے بارے میں حلت یا حرمت کاحکم اندازے یاتخمینہ پرنہیں لگایاجاسکتا،بلکہ اس چیزسے متعلق مکمل تحقیق اورتصدیق ضروری ہے۔اشیائے خوردونوش سے متعلق جتنی بھی پروڈکٹس ہیں ان کے بارے میں حلال یاحرام کاہوناان کے اجزائے ترکیبی پرمحمول ہے۔اگران کے اجزائے ترکیبی میں حرام اجزاء کاشامل ہوناثابت ہوجائے تووہ حرام کہلائیں گی،اور اگر کوئی حرام جزء شامل نہیں توان کا استعمال جائز ہے۔

kitkatچوکلیٹ کے بارے میں بھی جب تک یہ تحقیق نہ ہوجائے کہ اس میں حرام اجزاء شامل کیے جاتے ہیں اس وقت تک اسے حرام نہیں کہاجاسکتا۔اس طرح کی مختلف مصنوعات کے بارے میں ایک چیزمدنظررکھنی چاہئے کہ اگران مصنوعات پرکسی مستندحلال سرٹیفیکیشن کالوگوموجود ہوتوانہیں استعمال کرسکتے ہیں یا جب تک ان میں حرام عنصر کی آمیزش کی تحقیق نہ ہوجائے انہیں استعمال کیا جاسکتا ہے۔فقط واللہ اعلم