1۔ میں ایک دکاندار ہوں، میں یہ پوچھنا چاہ رہاہوں کہ اگر ایک گاہک میرے پاس کسی چیزکے بارے میں پوچھتا ہے اوروہ چیز میرے پاس نہ ہونے کی صورت میں دوسرے دکاندار سے اٹھاتاہوں اوروہ دکاندار میرے لیے کچھ رعایت کرکے میں اس میں گاہک سے کچھ کمالیتاہوں کیا وہ منافع میرے لیے جائزہے یانہیں ؟2۔ آپ کی نظرمیں اردو میں ایسی کتاب جس سے میں رہنمائی حاصل کروں ؟
جائزہے،بشرطیکہ آپ اپنے گاہک سے سودااس وقت حتمی کریں جب مطلوبہ چیزآپ کے پاس آجائے اور گاہک کو فراہمی یقینی ہوجائے۔ 2۔قرآن کریم کےمفاہیم ومطالب کو سمجھنے کے لیے مفتی محمدشفیع صاحب رحمہ اللہ کی معارف القرآن یا مولانا شبیراحمدعثمانی رحمہ اللہ کی کی تفسیر عثمانی ،احادیث سے واقفیت کے لیے مولانا منظوراحمد نعمانی صاحب کی معارف الحدیث اور ضروری مسائل جاننے کے لیے مولانا اشرف علی تھانوی رحمہ اللہ کی بہشتی زیور انشاء اللہ مفید رہے گی اور حضرت مولانا محمد یوسف لدھیانوی شہیدرحمہ اللہ کی کی تالیف " آپ کے مسائل اور ان کا حل" مطالعہ فرماسکتے ہیں۔ فقط واللہ اعلم
فتوی نمبر : 143101200475
دارالافتاء : جامعہ علوم اسلامیہ علامہ محمد یوسف بنوری ٹاؤن