سوال

ہم نے نمازکےواجبات میں سے پڑھاہےکہ عورت کو ہرنماز(جہری ہویاسری) قرأت آہستہ پڑھنی ہے۔اب سوال یہ ہےکہ ایسےکمرہ میں جہاں کوئی غیرمحرم نہ ہوتوکیاوہ مغرب، عشاءاورفجرکی نمازمیں قرأت کوتھوڑی آوازسے پڑھ سکتی ہے۔ اگرکوئی ایسی ہی نمازپڑھ چکی ہوتواس کو نمازکااعادہ کرنا پڑے گا۔

جواب

یہ مسئلہ درست ہے کہ عورت ہرنماز(سری ہویا جہری) میں قرأت آہستہ آوازسے کرے گی۔ خواہ اکیلی ہویا محارم کے سامنےہو،البتہ اگرکبھی اس کے خلاف کرلیا ہوتووہ نماز ہوگئی اعادہ کی ضرورت نہیں ہے۔ (شامی1/504) فقط واللہ اعلم