سوال

کیا روحانی دنیا کی کوئی حیثیت ہے اسلام میں؟ جس میں اللہ کے اولیا روحانی طور پر اس آدمی کے مکان میں ملنے جاتے ہیں ۔

جواب

انسانی روح بحالت زندگی تو انسان کے جسم کے ساتھ ہی رہتی ہے اور مرنے کے بعد نیک لوگوں کی ارواح برزخ میں مقام"علیین" میں اور برے لوگوں کی ارواح مقام"سجین" میں بھیج دی جاتی ہیں۔وہاں سے ان کا دنیا میں آکر ادھر ادھر گھومنا، لوگوں سے ملاقات کے لیے جانا، وغیرہ یہ سب باتیں عادت اور معمول کے خلاف ہیں اوربے بنیاد ہیں، اس طرح کی باتوں سے ایسے اوہام جنم لیتے ہیں جو شرکیہ عقائد تک پہنچادیتے ہیں۔