سوال

میرے پاس ایک نوکری ہے جو میں کر رہا ہوں لیکن اس کی تنخواہ بہت کم ہے، جس میں گھر کا خرچ نہیں نکل پاتا اور کسی سے ادھار لینا پڑتا ہے، مجھے ایک بینک میں جاب مل رہی ہے، جس کی تنخواہ اتنی ہے کہ میں آسانی سے اپنے گھر کا خرچ چلا سکتا ہوں۔ آپ برائے مہربانی بتائیے کہ مجھے بینک میں جوائننگ دینی چاہیے یا نہیں؟

جواب

بینک ایک سودی ادارہ ہے اس میں نوکری کرنا جائز نہیں، اور نہ ہی اس کی تنخواہ حلال ہے۔ حرام چاہے جتنا بھی زیادہ نظر آئے، بالآخر اس کی انتہاء ہلاکت اور اللہ تعالیٰ کی ناراضگی ہی ہے۔ اس کے بالمقابل حلال میں اللہ تعالیٰ کی رضا کے ساتھ ساتھ برکت ہی برکت ہے۔ لہذا قلیل حلال پر قناعت کی جائے اور کثیر حرام کی طلب نہ کی جائے۔