سوال

میرا دوست بہت پریشان ہے،  اس نے کہا:  میری زبان سے یہ نکلا ہے:  "اس لڑکی کے سوا جتنی عورتوں سے میرا نکاح ہو، اس پر تین تین طلاقیں ہوں"،  ایسی صورت  حال  میں اپنے دوست کا نکاح کیسے کروائیں؟

جواب

بصورتِ مسئولہ مذکورہ لڑکی سے ہی آپ کے دوست کے  نکاح کی کوشش کی جائے، اس کےعلاوہ جس عورت سے بھی آپ کے دوست کانکاح ہوگا اس پرتین طلاق واقع ہوجائیں گی۔  تین طلاق واقع ہوکرعدت گزرنےکے بعداس عورت کانکاح کسی اور مرد سے ہوجائے اورحقوقِ زوجیت ادا کرنے کے بعد وہ مرد وفات پاجائے یا از خود اس عورت کوچھوڑدے اوراس کی عدت گزرجائے توآپ کے دوست کے لیے اس عورت سے نکاح جائزہوگا۔ فقط واللہ اعلم