نمازکے واجبات میں ایک واجب یہ بھی ہے کہ فرض نمازکی پہلی اوردوسری رکعت کو قرآت کے لیے مقرر کرنا، اس سے کیا مراد ہے؟کیا نمازشروع ہونے سے پہلے ہی یہ طے کرنا ضروری ہےکہ پہلی اوردوسری رکعت میں کونسی سورتیں پڑھنی ہیں اگرطے نہیں کیا توکیا سجدہ سہولازم آتاہے؟
فرض نمازکی پہلی اوردوسری رکعت کو قرات کے لیے متعین کرنے کا مطلب یہ نہیں کہ کون سورتیں پڑھی جائیں اس کی تعیین کرلی جائے یہ کوئی ضروری نہیں لہٰذا اس تعیین نہ کرنے پر سجدہ سہو بھی نہیں ہے لیکن اگرفرض کی پہلی دورکعتوں کے بجائے آخری یا درمیانی دو رکعت میں قرات کی تواس صورت میں سجدہ سہو واجب ہے۔ فقط واللہ اعلم
فتوی نمبر : 143101200103
دارالافتاء : جامعہ علوم اسلامیہ علامہ محمد یوسف بنوری ٹاؤن