السلام علیکم! اگر میرے ذہن میں خیال آرھا ہے کہ میں نے اپنی بیوی کو طلاق دے دی تو کیا طلاق واقع ہوجائیگی؟ اور اگر یہ وسوسہ ہے تو کوئی دعا یا وظیفہ بتادیں؟
سوچنے سے اور دل میں خیال آنے سے طلاق نہیں ہوتی ،بلکہ دینے سے ہوتی ہے اور دینا اس وقت ہوتاہے جب انسان زبان سے ایک خاص حد تک اونچی آواز سے طلاق کا لفظ کہہ دیتاہے۔آپ خود سوچیں کہ دل ہی دل میں سوچنے سے آپ کی نماز نہیں ہوتی ،آپ کا مال کسی کا نہیں ہوجاتا تو پھر آپ کی بیوی پر طلاق کیسے پڑسکتی ہے ۔؟وسوسوں سے حفاظت کے لیئے ہر فرض نماز کے بعد قل اعوذ برب الفلق اور قل اعوذ برب الناس پڑھ کر اپنے اوپر دم کرلیا کریں ۔ واللہ اعلم
فتوی نمبر : 143504200023
دارالافتاء : جامعہ علوم اسلامیہ علامہ محمد یوسف بنوری ٹاؤن