مجھے آپ سے یہ پوچھنا تھا کہ داڑھی کی حد کہاں تک ہے گالوں پر،گلے پرنیز ہمیں اس بات سے بھی آگاہ فرمائیں کہ داڑھی کو خوبصورت کیسے بنایا جایا جائے اور بعض لوگوں کی داڑھی مڑنے لگتی ہے باوجہ موٹر سائیکل پر سفر کرنے سے اس کا کوئی بھی حل بتا کر ہمیں شکریہ کا موقع دیں ۔
صورت مسئولہ میں کانوں کے پاس جہاں سے جبڑے کی ہڈی شروع ہوتی ہے یہاں سے داڑھی کی ابتداء ہےاور یہ پورا جبڑا داڑھی کی حد ہےاور بالوں کی لمبائی کے لحاظ سے داڑھی کی مقدار ایک مشت ہے اس سے زائد بال ہوں تو ایک مشت کی حد تک اس کو کاٹ سکتے ہیں یہی اس کو خوبصورت بنانے کا طریقہ ہے۔ اس کے علاوہ صفائی، ستھرائی، کنگھی وغیرہ اس کو خوبصورت بنانے کے لیے بہتر ہے۔ فقط واللہ اعلم
فتوی نمبر : 143101200366
دارالافتاء : جامعہ علوم اسلامیہ علامہ محمد یوسف بنوری ٹاؤن