سوال

CSD آرمی کا ایک ادارہ ہے، جہاں سے قسطوں پر مختلف چیزیں، (مثلاً: بائک، فریج) خریدی جاتی ہیں، اس ادارہ سے قسطوں پر چیزیں لینا کیسا ہے؟

جواب

صورتِ مسئولہ میں CSD سے اگر کسی چیز کی خریداری کے وقت قسطوں پر خریدنا طے کرکے کل قیمت متعین کرلی جائے، اور مقررہ وقت پر قسط ادا نہ کرسکنے کی صورت میں جرمانہ نہ لگایا جاتاہو تو خریداری جائز ہوگی۔ اور اگر مقررہ وقت پر قسط ادا نہ کرسکنے کی صورت میں جرمانہ لگایا جاتا ہو تو اس طرح  کی شرط لگانا چوں کہ شرعاً جائز نہیں؛ اس لیے اجتناب لازم ہو گا۔ فقط واللہ اعلم