سوال

مجھ سے ایک آدمی نے کہا کہ میں مہینے میں بہت تھوڑے پیسے کماتا ہوں اور بڑی مشکل سے گھرچلاتاہوں اورگھر میں بجلی کا بل بہت آتاہے میں پورانہیں کرپاتا کیا میں بجلی کے تاروں میں کنڈا ڈال سکتاہوں ؟برائے کرم میری پریشانی کا حل بتائیں۔

جواب

صورت مسئولہ میں بجلی کی چوری خواہ کنڈا ڈال کر ہویا کسی اور ذریعہ سے ہو، جائز نہیں ہےیہ ایک قومی دولت ہے جس میں ملک کے ہرفرد کا حق وابستہ ہے جس کی معافی کی صورت مستقبل میں نہایت مشکل ہے لہٰذا بجلی کی چوری سے اجتناب کیا جائے۔ فقط واللہ اعلم