پیشگی معذرت کہ بینکاری کےمتعلق کچھ سوالات صفحہ پردرج ہیں پھربھی میں نےسوال پوچھنے کی جسارت کی ، اصل میں اطمینان نصیب نہیں ہوا، میرا سوال یہ ہےکہ پاکستان میں کس بینک میں اورکس قسم کا اکاؤنٹ کھولوں تاکہ میں سودکی نحوست اورگناہ سے بچ سکوں؟
اگراکاؤنٹ کھلوانے کی واقعی ضرورت ہوتوکسی بھی بینک میں کرنٹ اکاؤنٹ کھلوانے کی گنجائش ہےگوکہ اس اکاؤنٹ میں جمع شدہ رقم بھی بینک اپنےسودی معاملات میں استعمال کرتاہےلیکن اکاؤنٹ ہولڈر کو سود میں شامل نہیں کیا جاتا اس لیے ضرورت کے وقت کرنٹ اکاؤنٹ بنسبت کسی اورکے بہتررہتاہے دوسری صورت یہ ہےکہ بینک کا لاکرخریدکر اپنی رقم وغیرہ محفوظ کرلی جائے ، یہ صورت سب سے بہتر ہے کہ اس صورت میں بینک آپ کی رقم استعمال نہیں کرے گا۔ فقط واللہ اعلم
فتوی نمبر : 143101200420
دارالافتاء : جامعہ علوم اسلامیہ علامہ محمد یوسف بنوری ٹاؤن