سوال

 میرے والد صاحب تقریباً 14 سال سے لاپتا ہیں،  اور ہمیں نہیں معلوم کہ  وہ اب اس دنیامیں موجود ہیں یا کہ نہیں؟  تو کیا ہم ان کی نماز جنازہ پڑھ سکتے ہیں یا نہیں؟  اگر پڑھ سکتے ہیں تو کیسے؟

جواب

نمازِ جنازہ صحیح ہونے کے لیے جنازہ کاسامنے ہوناشرط ہے،  اس لیے اگر آپ کے والد دنیا میں نہ بھی ہوں تو بھی ان کا غائبانہ جنازہ پڑھنا جائز نہیں ہے۔ تاہم جنازہ کا مقصد میت کے لیے توبہ، استغفار اور رفعتِ درجات ہوتا ہے، اس لیے نفلی عبادات کرکے اپنے والد صاحب کو ایصالِ ثواب کرتے رہیں۔اگر وہ حیات ہوئے تو بھی ایصالِ  ثواب سے ان کو نفع ہوگا۔

فتاویٰ شامی میں ہے:

"فلاتصح علی غائب وصلاة النبي صلی الله علیه وسلم علی النجاشي لغویة أوخصوصیة". (باب صلوۃ الجنازۃ،2/209،ط:سعید) فقط واللہ اعلم