بِسْمِ اللَّهِ الرَّحْمَنِ الرَّحِيم

- 26 مئی 2019 ء

دارالافتاء

 

موبائل میں تلاوت کرنا


سوال

کیا موبائل میں قرآن شریف پڑھ سکتے ہیں؟  کیوں کہ آفس وغیرہ میں  ہوتے ہیں تو تھوڑی دیر پڑھ لیا پھر بند کردیا، اور بغیر وضو تو نہیں پڑھ سکتے نا موبائل میں ؟

 

جواب

موبائل میں قرآن مجید کی تلاوت کرنا جائز ہے،   البتہ موبائل کی اسکرین پر اگر قرآن کریم  کھلا ہوا ہو تو اسکرین کو  وضو کے بغیر   چھونا جائز نہیں ہے، اس کے علاوہ  موبائل کے دیگر حصوں کو  مختلف  اطراف  سے وضو کے بغیر چھونے میں کوئی مضائقہ نہیں۔

واضح رہے کہ ملازمت کے اوقات میں معاہدے کے مطابق ادارے کی خدمت کرنا ضروری ہے، اگر تلاوت و ذکر میں مشغولیت کی وجہ سے ملازمت کی مفوضہ (سپرد کی گئی) ذمہ داریوں میں کوتاہی ہوتی ہو تو ملازمت کے اوقات میں تلاوت کی اجازت نہیں ہوگی، ہاں متعلقہ ذمہ داریاں پوری کرنے کے بعد یا ایسے وقت میں کہ جس سے ملازمت کے امور میں بالکل خلل واقع نہ ہوتاہو  تلاوت وذکر کی اجازت ہوگی۔ فقط واللہ اعلم


فتوی نمبر : 143909201277

دارالافتاء : جامعہ علوم اسلامیہ علامہ محمد یوسف بنوری ٹاؤن


تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں