بِسْمِ اللَّهِ الرَّحْمَنِ الرَّحِيم

- 18 ستمبر 2019 ء

دارالافتاء

 

رمضان میں افطاری کی مد میں آئی اشیاء بچ جائیں تو رمضان کے بعد ان کا کیا کیا جائے؟


سوال

ہمارے  پاس افطاری کی مد میں کچھ شربت کی بوتلیں اور چینی وغیرہ آئی تھیں, اب رمضان المبارک مکمل ہونے کے بعد جو سامان بچ گیا ہے, اس کا کیا کیا جائے؟

جواب

صورتِ مسئولہ میں اگر روزہ داروں کی افطاری کے لیے مذکورہ اشیاء دینے والے افراد معلوم ہوں تو ان کی اجازت سے  اس کو کسی دوسری مد میں بھی خرچ کیا جاسکتا ہے، اگر مذکورہ افراد معلوم نہ ہوں تو اگر کہیں رمضان المبارک کے علاوہ نفلی روزے داروں کے لیے افطاری کی ترتیب بن سکتی ہو تو ان کو دے دیا جائے، اور اگر یہ مشکل ہو یا اس انتظار میں ان اشیاء کے خراب ہونے کا اندیشہ ہو تو فقراء اور غرباء میں تقسیم کردیا جائے۔

فتح القدير للكمال ابن الهمام (6/ 214):
"ومنها ما ذكر في البرامكة. قال أبو يوسف: إذا انقرض الموقوف عليهم يصرف الوقف إلى الفقراء".
 فقط واللہ اعلم


فتوی نمبر : 144010200059

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں

ہماری ایپلی کیشن ڈاؤن لوڈ کرنے کے لئے