بِسْمِ اللَّهِ الرَّحْمَنِ الرَّحِيم

- 21 جولائی 2019 ء

دارالافتاء

 

راستے میں درود شریف پڑھنا/ کن جگہوں میں درود پڑھنا مکروہ ہے


سوال

درود شریف راہ چلتے پڑھ سکتے  ہیں  یا نہیں ؟

جواب

سات جگہوں پر درود شریف پڑھنے کو فقہاء نے مکروہ لکھا ہے، ان کے علاوہ ہر جگہ ، چلتے پھرتے، اٹھتے بیٹھتے ،ہر وقت پڑھ سکتے ہیں،اور بہت ہی خیر وبرکت کا باعث ہے۔وہ سات جگہیں درج ذیل ہیں: 

(۱) اپنی بیوی کے ساتھ ہم بستری کرتے وقت۔ (۲) پیشاب وپاخانہ کرتے وقت۔ (۳) کسی چیز کے بیچنے کے ارادے سے کسی کو دکھانے کے وقت (تاکہ اس سے سامنے والے کو چیز کی عمدگی معلوم ہو)۔ (۴)  ٹھوکر لگتے وقت۔ (۵)  تعجب کے وقت۔(۶)  ذبح کرتے وقت۔ (۷)  چھینک آنے پر۔
''الدر المختار وحاشية ابن عابدين'' (رد المحتار) (1/ 518)
'' تكره الصلاة عليه صلى الله عليه وسلم في سبعة مواضع: الجماع، وحاجة الإنسان، وشهرة المبيع والعثرة، والتعجب، والذبح، والعطاس على خلاف في الثلاثة الأخيرة شرح الدلائل، ونص على الثلاثة عندنا في الشرعة فقال: ولا يذكره عند العطاس، ولا عند ذبح الذبيحة، ولا عند التعجب''۔
فقط واللہ اعلم


فتوی نمبر : 143909201294

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں

ہماری ایپلی کیشن ڈاؤن لوڈ کرنے کے لئے