بِسْمِ اللَّهِ الرَّحْمَنِ الرَّحِيم

- 19 اکتوبر 2019 ء

دارالافتاء

 

جمعہ اور رمضان کی مبارک باد دینا


سوال

ہر جمعہ کو جمعہ مبارک کے ایس ایم ایس یا واٹس ایپ لوگوں کو کرنا کیسا عمل ہے؟

نیز رمضان میں پہلی سحری، پہلی افطاری، پہلا روزہ ، دوسرا روزہ اسی طرح ہر روزہ کی مبارک کے ایس ایم ایس یا واٹس ایپ پیغامات کرنا کیا جائز اور اچھا عمل ہے؟ وضاحت فرمادیں۔

جواب

جمعہ کی مبارک باد کا مطلب جمعہ کے بابرکت ہو نے کی دعا دینا ہے،اور برکت والے دن برکت کی دعا دینے میں  بذاتِ خود حرج نہیں ہے، البتہ اس طرح مبارک باد دینے کا التزام واہتمام کرنا  ٹھیک نہیں ہے،اور نہ ہی شرعی طور پر ان کاموں کا حکم دیاگیا ہے ،ان چیزوں میں وقت صرف کرنے کی بجائے جو اعمال اس دن ثابت ہیں ان کااہتمام کرناچاہیے۔

رمضان یا دوسرے اسلامی مہینوں کے آغاز میں ایک دوسرے کو مبارک باد دینایاہرروزہ وافطاری کی مبارکباد دینا اور مخصوص قسم کے من گھڑت فضائل سنانا شرعاً اس کا کوئی ثبوت نہیں ہے، ان چیزوں میں اپنا قیمتی وقت ضائع نہیں کرناچاہیے اور نہ ہی یہ کارِثواب ہیں ۔ البتہ ہر مہینہ کا چاند دیکھ کر  اپنے لیے خیر و برکت کی مسنون دعا کرنا  ثابت ہے۔ اس کا اہتمام  کرناچاہیے۔ فقط واللہ اعلم


فتوی نمبر : 143909200184

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں

ہماری ایپلی کیشن ڈاؤن لوڈ کرنے کے لیے