بِسْمِ اللَّهِ الرَّحْمَنِ الرَّحِيم

- 23 مئی 2019 ء

دارالافتاء

 

ایصالِ ثواب کی نیت سے والدین کی قبر کے پاس موبائل میں دیکھ کر قرآن پاک کی تلاوت کرنے کا حکم


سوال

والدین کی قبر یا قبرستان میں موبائل پرقرآنِ پاک کی تلاوت ایصالِ ثواب کے لیے کرنا جائز ہے یا نہیں؟

جواب

ایصالِ ثواب کے لیے والدین کی قبر کے پاس یا قبرستان میں موبائل میں دیکھ کر قرآنِ پاک کی تلاوت کرنا جائز ہے، البتہ ایصالِ ثواب کے لیے قبر کے پاس یا قبرستان میں ہی تلاوت کرنا ضروری نہیں ہے، کسی بھی جگہ تلاوت کرکے ایصالِ ثواب کیا جاسکتا ہے۔ 

احادیثِ مبارکہ میں قبرستان میں داخل ہونے کی دعا کے مختلف الفاظ اور صیغے وارد ہیں، قبرستان میں جب جانا ہو تو ان دعاؤں کا اہتمام کرنا چاہیے، ایک روایت کے مطابق دعا کے الفاظ مندرجہ ذیل ہے:

’’ترمذی شریف‘‘  کی روایت میں حضرت ابن عباس رضی اللہ تعالیٰ عنہما سے روایت ہے کہ رسول اللہ صلی اللہ علیہ وآلہ وسلم مدینہ طیبہ کے قبرستان سے گزرے تو قبروں کی طرف متوجہ ہو کر فرمایا :

"السَّلَامُ عَلَيْکُمْ يَا أَهْلَ الْقُبُورِ يَغْفِرُ اللَّهُ لَنَا وَلَکُمْ أَنْتُمْ سَلَفُنَا وَنَحْنُ بِالْأَثَرِ".

(ترجمہ) اے قبر والو تم پر سلام ہو! اللہ تعالیٰ ہماری اور تمہاری مغفرت فرمائے تم ہم سے پہلے پہنچے ہو اور ہم بھی تمہارے پیچھے آنے والے ہیں۔ فقط واللہ اعلم


فتوی نمبر : 144008200372

دارالافتاء : جامعہ علوم اسلامیہ علامہ محمد یوسف بنوری ٹاؤن


تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں