سوال

عورتوں کا تبلیغ کے لیے جماعتوں میں جانا کیسا ہے؟ کیا جماعتوں میں جانے سے گھر والے پریشان نہیں ہوں گے کہ کہاں مستورات کو قیام کرنا پڑے گا؟ مجھے کسی نے بتایا ہے کہ کہیں نہیں لکھا عورتوں کا جماعت میں جانا،  صرف مرد تبلیغ  کا کام کرتے ہیں، برائے کرم صحیح رہنمائی کردیں!

جواب

دار الافتاء بنوری ٹاؤن کے اہلِ فتویٰ کی رائے میں مستورات کی تبلیغی جماعتیں نکالنا شرعی و فقہی اعتبار سے درست نہیں ہے۔ البتہ خواتین کی اصلاح اور دینی تربیت کے لیے علاقہ کے کسی گھر میں مستند متدین عالم کی وعظ و نصیحت کی مجلس رکھی جا سکتی ہے، جس میں خواتین شرکت کرسکتی ہیں، اور ایسا کرنا خود رسول اکرم صلی اللہ علیہ وسلم کے عمل سے بھی ثابت ہے۔ فقط واللہ اعلم