بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

کیا نفلی روزے کے ساتھ دوسرا روزہ رکھنا بھی ضروری ھے؟


سوال

کیا ایک نفلی روزے کے ساتھ دوسرا روزہ رکھنا بھی ضروری ہے؟ ایک صاحب کہتے ہیں کہ ایک نفلی روزہ رکھنا درست نہیں، بلکہ دوسرا روزہ بھی رکھنا بھی ہوگا۔

جواب

عام دنوں میں ایک نفلی روزے کے ساتھ دوسرا روزہ رکھنا  شرعاً  نہ تو ضروری ہے، اور نہ ہی افضل ہے۔ البتہ دس محرم کے روزہ کے ساتھ ایک روزہ نو یا گیارہ محرم کا رکھنے کا حضور ﷺ نے فرمایاتھا؛ تا کہ یہود کے ساتھ مشابہت نہ ہو کہ وہ صرف دس کا رکھتے ہیں، اس لیے بہتر یہ ہے کہ صرف دس محرم کا روزہ نہ رکھا جائے۔ اسی طرح صرف جمعہ کو خاص کرکے روزہ نہیں رکھنا چاہیے، کبھی رکھ لے، کبھی چھوڑ دے، اور کبھی جمعے کے ساتھ جمعرات کا روزہ ملاکر رکھ لے اس میں بھی کوئی حرج نہیں ہے۔ فقط واللہ اعلم


فتوی نمبر : 144010200432

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں