میرے والد محترم کے انتقال کو عید کے دن 4 مہینے ہوجائیں گے اور والدہ عدت میں ہوں گی، تو ایسی صورت میں عید الفطر کے دن گھر میں میٹھا بنانے کی اجازت ہے یا نہیں؟
میت والے گھر میں کھانا یا میٹھا بنانے کی ممانعت شریعت میں منقول نہیں، میت کے گھر والوں کے لیے (شرعی حدود میں رہ کر) تین دن سوگ منانا حدیث سے ثابت ہے، لیکن ان دنوں میں بھی اگر پڑوس یا اعزہ واقارب کی طرف سے کھانا نہ آئے تو میت کے گھر والوں کے لیے خود کھانا بناکر کھانے میں شرعاً کوئی حرج نہیں ہے، لہذا آپ کے گھر میں عیدکے موقع پر میٹھا بناناجائز اور درست ہے۔فقط واللہ اعلم
فتوی نمبر : 144008200863
دارالافتاء : جامعہ علوم اسلامیہ علامہ محمد یوسف بنوری ٹاؤن