طلاق کے بعد ایک عورت کی دو ماہ واری وقت پر آئی، اب تیسری ماہ واری رمضان میں 10 دن گولیاں کھانے کی وجہ سے وقت مقررہ پر نہیں آئی تو کیا عدت پوری ہو گئی جب کہ تین مہینے پورے ہو چکے؟
جس عورت کو ماہ واری آتی ہے ( یعنی وہ چھوٹی بچی یا بہت بوڑھی عورت نہیں ہے) اس کی طلاق کی عدت مکمل تین ماہواریاں ہیں (اگر حمل نہ ہو)، اس کی عدت مہینوں کے اعتبار سے نہیں ہوتی، لہذا مذکورہ عورت جب تیسری ماہواری سے پاک ہوگی، تب اس کی عدت ختم ہوجائے گی۔فقط واللہ اعلم
فتوی نمبر : 144010200150
دارالافتاء : جامعہ علوم اسلامیہ علامہ محمد یوسف بنوری ٹاؤن