سوال

کیا مردوں کا کاندھوں  تک بال رکھنا سنت  کے مطابق ہے ؟ بعض لوگ بالوں کو سمیٹ کر پشت پر پونی بنا لیتے ہیں، کیا یہ درست ہے؟

جواب

مردوں کے لیے بال رکھنے کے مسنون تین طریقے ہیں:

 1.کانوں کی لو تک۔  2. کانوں کی لو اور کاندھوں  کے درمیان تک۔  3.کاندھوں تک ۔

لہذا اگر کوئی شخص بال بڑھائے تو اسے ان تین طریقوں میں سے کسی طریقہ کے مطابق بال رکھ لینے کی اجازت ہے۔ تاہم پورے سر کے بال برابر رکھنا ضروری ہے، بعض حصے کے بال بڑے رکھنا اور بعض کے چھوٹے کرلینا درست نہیں ہے۔

لیکن مرد کے لیے اس طرح بال بڑھانا کہ عورتوں سے مشابہت ہوجائے، نیزلڑکیوں کے مشابہ بالوں کی پونی بنانا بھی جائز نہیں۔فقط واللہ اعلم