عورت کے لیے مخصوص ایام میں شرعی حکم کیا ہے؟
عورت کے لیے مخصوص ایام میں شرعی حکم یہ ہے کہ وہ ان ایام میں نماز نہیں پڑھے اور روزہ بھی نہیں رکھے گی، البتہ ایام گزرنے کے بعد روزوں کی قضا کرنی ہوگی، لیکن ان ایام کی نماز کی قضا نہیں ہے۔ اس کے علاوہ قرآنِ پاک کی تلاوت اور قرآنِ پاک کو چھونا بھی عورت کے لیے ایامِ مخصوصہ میں جائز نہیں ہے۔ اسی طرح ایامِ مخصوصہ کے دوران شوہر کے ساتھ وظیفہ زوجیت ادا کرنا بھی جائز نہیں ہے۔ فقط واللہ اعلم
فتوی نمبر : 144008200436
دارالافتاء : جامعہ علوم اسلامیہ علامہ محمد یوسف بنوری ٹاؤن